Спорт

Июль 2020
Дү Ше Ша Бе Жу Иш Же
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    
24/02 18:31
 

Премьер-министр төрагалыгы алдында Экинчи Бүткүл дүйнөлүк Көчмөндөр оюнуна даярдык талкууланды

Бишкек, 24-февраль /Кабар/. 24-февралда Темир Сариевдин төрагалыгы алдында Экинчи Бүткүл дүйнөлүк Көчмөндөр оюнуна даярдыктардын жүрүшү боюнча жыйын өттү.
Премьер-министр Темир Сариев Бүткүл дүйнөлүк Көчмөндөр оюну эл аралык деңгээлдеги маанилүү иш-чара экенин белгилеп, ага даярдыкты жогорку деңгээлде күчөтүү керектигин билдирди.

Жыйындын жүрүшүндө Өкмөт алдындагы Курулуш, архитектура, турак-жай жана коммуналдык чарба мамлекеттик агенттигинин директору Турдубек Мамбетов Ысык-Көл районундагы Бактуу-Долоноту айылындагы ат майданынын курулушунун жүрүшү боюнча маалымат берди.
Анын маалыматы боюнча, курулуш иштери белгиленген мөөнөттө жүрүп жатат жана ушул жылдын 15-августуна чейин бүткөрүлөт. Ошондой эле ат майдандын инфраструктуралык мүмкүнчүлүктөрүн кеңейтүү жана жашылдандыруу боюнча иштер аныкталган график боюнча жүрүүдө.

Ал эми Транспорт жана коммуникациялар министрлигинин маалыматы боюнча, Балыкчы-Тамчы-Корумду жолунун курулушу жүрүп жатат жана Кырчын жайлоосундагы жолдорду оңдоого даярдыктар башталууда. Аталган жолдорду үстүбүздөгү жылдын 1-августуна чейин бүткөрүү пландалууда.
Премьер-министр Темир Сариев Бүткүл дүйнөлүк Көчмөндөр оюнун уюштуруу жана өткөрүү боюнча бардык иштерди өз мөөнөтүндө жана сапаттуу бүткөрүү, анын алкагында жашылдандыруу иштерин активдүү жүргүзүү тапшырмасын берди.
 

Бөлүшүү

  • print
  •  Facebookта жайгаштыруу
  • Twitterде жайгаштыруу
  • Контактка жайгаштыруу
  •  LiveInternetке жайгаштыруу
  • Одноклассниктерге жайгаштыруу
  • LiveJournalда жайгаштыруу
  • Мой Мирге жайгаштыруу