Аймак

Июль 2019
Дү Ше Ша Бе Жу Иш Же
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        
31/10 18:22
 

Oш облусунда имамдардын билимин жогорулатуу курсу башталды

 Oш облусунда имамдардын билимин жогорулатуу курсу башталды

Бишкек, 31-октябрь /Кабар/. Бүгүн, 2016-жылы 31-октябрда Ош мамлекеттик университетинин теология факультетинде Ош облусунун имамдары үчүн окуу семинары башталды. Семинар “Ыйман” диний маданиятты өнүктүрүү фонду тарабынан “Дин кызматкерлеринин потенциалын жана билим деңгээлин жогорулатуу” долбоорунун алкагында өткөрүлүүдө. Бул тууралуу Ош облусунун мусулмандар казыятынын маалымат кызматы билдирди.

Окуу курсуна Ош облусунун 7 районунан келген 150гө жакын мечит имамдары катышууда. Окуу курсунун ачылышына КРнын дин иштери боюнча мамлекеттик комиссиясынын түштүк аймактык бөлүмүнүн башчысы Исакбай Мурзабеков, Ош облусунун казысынын орун басары Нурбек кары Орунбаев, “Ыйман” фондунун имамдардын билим деңгээлин жогорулатуу боюнча координатору Жолдошов Муртаза, Ош шаардык казыятынын өкүлү Мырза кары Осмонов жана “Ыйман” фондунун түштүк аймактык координатору Айбек Султан уулу катышып, имамдарды илим алууда жоопкерчиликтүү болуп, изденүү жана талап кылуу менен окууга чакырышты.

Ал эми “Ыйман” фондунун имамдардын билим деңгээлин жогорулатуу боюнча координатору Муртаза Жолдошов учурдагы окуу курсунун өзгөчөлүктөрүнө токтолуп, окуунун убактысы мурда 12 күн болсо, учурда 6 күнгө кыскарганын белгиледи. Мунун себеби катары, айрым предметтер кыскартылып, Имамдарга зарыл болгон акыйда, хадис, Фихк, пайгамбарлар тарыхы, Кыргыз маданияты жана дин сабактарына басым жасалаарын билдирди.

Эскерте кетсек, Ыйман фонду буга чейин да Ош облусунун имамдары үчүн 2016-жылдын январь, июль айларында эки ирет окуу курсун уюштурган болчу.

Бөлүшүү

  • print
  •  Facebookта жайгаштыруу
  • Twitterде жайгаштыруу
  • Контактка жайгаштыруу
  •  LiveInternetке жайгаштыруу
  • Одноклассниктерге жайгаштыруу
  • LiveJournalда жайгаштыруу
  • Мой Мирге жайгаштыруу