31.12.2016, 21:33

Н. Назарбаев Президент Алмазбек Атамбаевди жана Кыргызстан элин Жаңы жыл менен куттуктады

Бишкек, 31-декабрь /Кабар/. Казакстан Республикасынын Президенти Нурсултан Назарбаев Кыргыз Республикасынын Президенти Алмазбек Атамбаевди жана өлкөнүн элин Жаңы жыл менен куттуктады. Бул тууралуу Кыргыз Республикасынын Президентинин аппаратынын маалыматтык саясат бөлүмү билдирди.

«Казакстан элинин жана өзүмдүн атымдан Сизди Жаңы 2017-жыл менен куттуктайм. Сизге чың ден-соолук, бакубатчылык жана мамлекеттик ишмердигине ийгилик, ал эми боордош Кыргызстан элине - тынчтык жана гүлдөп өнүгүү», - Президент Нурсултан Назарбаев каалады.