21.12.2016, 11:25

Бишкекте жолугушуу учурунда жигитти тоноп кеткен кыз кармалды

Бишкек, 21-декабрь /Кабар/. Бишкекте жолугушуу учурунда жигитти тоноп кеткен кыз кармалды, деп билдирди КР ИИМдин басма сөз кызматынан.

Маалыматка караганда, ички иштер органына Чүй облусунун Люксембург айылынын 30 жаштагы тургуну арыз менен кайрылган.
“Ал жигит соцтармактар аркылуу бир кыз менен таанышып жолугушкан. Жолугушуудан соң жигит 1 миң 300 долларын жана 2 миң юанын таппай калган”,-дешет ИИМден.

Бишкек ШИИБсынын Кайгуул милициясынын кызматкерлери тарабынан ыкчам-иликтөөдө Москва районунун 21 жаштагы тургуну Л.А. кармалган.

Учурда ал Ленин РИИБсына жеткирилип, тергөө иштери жүрүүдө.