16.11.2016, 12:31

Кыргызстандык бажычылар 25 тонна аткезчилик картөшкөнү кармашты

Бишкек, 16-ноябрь /Кабар/. Кыргызстандык бажычылар 25 тонна аткезчилик картөшкөнү кармашты.

Мамлекеттик бажы кызматынын басма сөз кызматынан билдиргендей, 12-ноябрда Баткен облусунун Ак-Татыр айлынан “Түштүк” бажысынын кызматкерлери тарабынан Евразия экономикалык биримдигинин аймагына Тажикстан тараптан ташылып келе жаткан аткезчилик товар – 25000 кг картөшкө бажы көзөмөлүнөн тышкары жерден өткөрүлүп жатканда кармалды.

Учурда бул факт боюнча иликтөө жүрүүдө.