20.10.2016, 13:13

Бажычылар жарым миллион сомдук аткезчилик товарларды кармашты

Бишкек, 20-октябрь /Кабар/. Бажычылар жарым миллион сомдук аткезчилик товарларды кармашты. Бул тууралуу Мамлекеттик бажы кызматынын басма сөз кызматы билдирди

Мамлекеттик бажы кызматынын Борбордук бажысынын аткезчиликке каршы күрөшүү бөлүмүнүн кызматкерлери Кытайдан ЕАЭБдин аймагына киргизилип бара жаткан жалпы баасы 571 125 сомдук аткезчилик товарларды – 129 даана жылыткыч шейшептерди, 162 даана рюкзактарды, 1120 даана эркектердин спорттук шымдарын кармашты. Бул товарлар “Б.Л.” ЖЧКсынын дарегине багытталган.

Учурда бул факт боюнча иликтөө жүрүүдө.