10.12.2015, 12:39

Өзбекстандын жаранына мыйзамсыз паспорт берүү фактысы аныкталды

Бишкек, 10-декабрь /Кабар/. Кыргызстандын ички иштер министрлигинин түштүк аймак боюнча башкы тергөө башкармалыгынын кызматкерлери 1978-жылы туулган Өзбекстан республикасынын жаранын кармашты. Ал 2012-жылы Алай районунун Сопу-Коргон паспорт жана виза бөлүмүнөн Кыргызстандын жалпы жарандык паспортун алып, эркин колдонуп жүргөн. Бул тууралуу Ички иштер министрлигинин басма сөз кызматы билдирди.

Бүгүнкү күндө ИИМдин түштүк аймак боюнча башкы тергөө башкармалыгынын кызматкерлери паспорт ким тарабынан жана качан берилгенин тактап жатышат.