Интервью

Август 2020
Дү Ше Ша Бе Жу Иш Же
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            
02/07 13:33
 

А. Саидов: Ч. Айтматов тууралуу китеп өзбек жана кыргыз достугун чыңдоого салым кошот

Өзбекстандын Атайын жана Ыйгарым укуктуу элчиси, Олий мажлистин депутаты, юридика илиминин доктору, профессор Акмал Саидовтун «Чынгыз Айтматовтун феномени» аттуу китеби жарыкка чыкканы турат. Ушуга байланышытуу «Кабар» китептин авторуна эксклюзивдүү суроолор менен кайрылды.

"Кабар": - Урматтуу Акмал Халматович, бул китепти жазышыңызга эмне түрткү болду?

А.Саидов: - Эсиңизде болсо, Чыңгыз Айтматовтун 80 жылдыгына арнап Ташкентте басмадан чыгарылган «Чыңгыз Айтматов түбөлүккө өзбекстанстандыктардын жүрөгүндө» аттуу китепте улуу жазуучунун феномени тууралуу сөз баштаган элем.
Чыңгыз Айтматов жалаң кыргыздар үчүн гана эмес, ошондой эле жалпы өзбектер үчүн да өтө кадырлуу.
Мен эки нерсе үчүн өзбек эли Чыңгыз Айтматовко айкел коюшу керек деп ойлоймун. Биринчиси, 90-жылдарда «пахта иши» козголуп, жалпы өзбек элин кылмышкер катары каралаганда, Чыңгыз агай эч тайманбстан, өзбек элин коргоп чыккан. Өзбек элинин байыркы маданиятын, цивилизацияга кошкон салымына чоң баа берген.Улуттун жаманы, кылмышкери болбойт, бирок ар кандай улутта, элде жакшысы да бар, жаманы да бар деп айткан эле.
Экинчиси, ошол кездеги Ош окуяларында, раматылык өзбек жазуучулары Адыл Якубов, Пиримкул Кадыров менен чогуу Ошко барып, коогалаңдуу окуялардын акыбетин түгөтүүдө, эки элдин достугун кайра калыбына келтирүүдө баш болгон.
Андан бери көп окуялар болуп өттү. Адамдын көзү өткөндөн кийин анын жасаган иштери, айткан ойлорунун кадыр-наркы күн сайын баалуу болуп, маани-маңызы өтө олуттуу боло берет экен. Буларды, албетте келечек муун билиши керек деп ойлоймун.

"Кабар": - Эмне үчүн китепти «Чыңгыз Айтматовтун феномени» деп атадыңыз?

А.Саидов: - Эми илимий тилде «феномен» өтө сейрек учурай турган окуя. Эгер биз муну Чыңгыз агайдын мисалында көрө турган болсок, мындай адамдар, балким миң жылды бир жолу дүйнөгө келеер.
Мен жазуучу эмесмин, бирок дипломант катары Европада Чыңгыз Төрөкулович менен бир кезде иштегенмин. Ошол кезде ал адамды жакындан таанып, көп сукбаттарда болуп, көп пикир алмашуу мүмкүнчүлүгүнө ээ болгонмун. Мына ошолордон улам, Чыңгыз агайдын даанышман инсан экендигине күбө болгонмун.
Китептин мазмунун азыр айтып отурбайын. Негизги максат Чыңгыз Айтматов феноменинин өзгөчөлүктөрүн көрсөтүү. Аны окурмандар кези келгенде окуп өз пикирин айтар. Ал азыр Москвадагы басма үйүндө. Адегенде орус тилинде чыгат, анан өзбек тилинде чыгарамын деген ой бар.
Бул китеп илгертен коңшу, куда-сөөк болуп, бир дарыянын суусун ичип, базары да, мазары да бир эки боордош элдин достугун чыңдоодо өз салымын кошот деп ойлоймун.

Маектешкен Төлөнбай Курбанов,
Ташкент, 2 июль 2011 г.



Бөлүшүү

  • print
  •  Facebookта жайгаштыруу
  • Twitterде жайгаштыруу
  • Контактка жайгаштыруу
  •  LiveInternetке жайгаштыруу
  • Одноклассниктерге жайгаштыруу
  • LiveJournalда жайгаштыруу
  • Мой Мирге жайгаштыруу