Интервью

Август 2020
Дү Ше Ша Бе Жу Иш Же
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            
26/03 19:29
 

Тажикстанда КМШнын маалымат агенттиктеринин жетекчилер Кеңешинин Х111 жыйыны өттү (фотосу менен)

Бишкек 26-март Кабар Тажикстандын борбору Дүйшөмбү шаарында 21-мартта Көз каранды эмес мамлекеттердин шериктештигинин мүчөлөрүнүн маалымат агенттиктеринин жетекчилер Кеңешинин кезектеги Х111 жыйыны болуп өттү.
Анын ишине Азербайжан мамлекеттик телеграф агенттигинин тышкы байланыштар департаментинин жетекчиси Хидиров Назим Велиевич, “Арменпресс” маалымат агенттигинин аткаруучу директору Зорян Грайр Норайрович, “БелТА” телеграф агенттигинин Башкы директорунун биринчи орун басары (Беларусь) Луцкий Игорь Владимирович, Кыргыз улуттук “Кабар” маалымат агенттигинин башкы редакторунун орун басары Осонов Турдубек Сулайманович, Россиянын ИТАР-ТАСС маалымат агенттигинин Башкы директорунун биринчи орун басары Калмыков Михаил Вадимович, ИТАР-ТАСС маалымат агенттигинин КМШ жана Балтика республикалары боюнча куратору Грушин Борис Николаевич, КМШнын Аткаруу комитетинин маалымат-аналитикалык департаментинин директору Заварзин Александр Константинович, КМШнын Аткаруу комитетинин маалымат-аналитикалык департаментинин маалымат жана маалыматташтыруу бөлүмүнүн башчысы Григоьев Игорь Владимирович, КМШнын Аткаруу комитетинин басма сөз кызматынын жетекчиси Никаноров Владимир Степанович, Тажикстандын өкмөттүк “Ховар” маалымат агенттигинин директору Шамсуддинов Садриддин Зайниддинович катышты.

Маалымат кеңешинин жыйынында алдыдагы КМШнын 20 жылдык мааракесине карата даярдыктар жана ага карата маалыматкеңеши аткара курган иш-чаралардын кеңири программасы талкууланды. “КМШга 20 жыл фотокөргөзмө”, АНИА (Улуттук маалымат агенттиктеринин Ассоциациасы) оперативдүү маалымат кызматын өнүктүрүп жаңы деңгээлге чыгаруу туурасында”, “2011-жылдагы Шериктештиктин маданий мурастарынын жылына карата КМШ маалыматкеңешинин акциялары туурасында” жана башка маселелер каралды.

КМШнын маалымат кызматтары Кеңеши быйыл өзүнүн түзүлгөдүгүнүн 15 жылдыгын белгилейт.

КМШнын Аткаруу комитетинин маалымат-аналитикалык департаментинин директору Заварзин Александр Константинович 20 жылыдкка карата уюштурулуп жаткан иш-чаралардын кеңири планы менен тааныштырды. Ал 2010-жылдын май айында КМШ мамлекеттеринин өкмөт башчыларынын Кеңешинде жактырылган. Программа негизинен бир нече бөлүмдөрдөн турат. Илимий-практикалык иш-чаралар, экономикалык жана гуманитардык жактан кызматташуу жана башкалар.

Маараке Дүйшөмбү шаарында өтмөкчү. Ал жерге КМШ мамлекеттеринин жана өкмөттөрүнүн башчылары, тышкы иштер министрлердин мааракелик жыйындары өтөт. Мамлекет башчылар кеңешинин атайын билдирүүсү угулат. Ошондой эле 20 жыл ичинде Шериктештеги аткарылган иштердин жыйынтыгы чыгарылып, келечек пландар талкууланмакчы.
“Мезгилдин жана муундардын байланышы” аттуу теманын алкагында орустун улуу окумуштуусу Михаил Ломоносовдун туулгандыгынын 300 жылдыгы, 12-апрелде Юрий Гагариндин биринчи жолу космоско учканына 50 жыл толушуна байланыштуу илимий-практикалык конференциялар өткөрүлмөй болду.

Ал эми гуманитардык жактан кызматташууга байланышкан иш-чаралардын алкагында КМШ мамлекеттеринин чыгармачыл жана илимий интеллигенциясынын 4-форумун өткөрүү, “Биз КМШ мамлекеттеринде жашайбыз” аттуу теманын алдында балдардын сүрөттөрүнүн жана кол өнөрчүлүгүнүн жана китеп чыгарууга байланышкан эл аралык конкурстарын өткөрүү пландаштырылган.

Ушул жылдын апрелинде илим жана билим берүүдө, маданият тармагында зор жетишкендиктер үчүн “Шериктештиктин жылдыздары” аттуу сыйлык тапшыруу аземи болмокчу.

Жыйынтыктап айтканда КМШнын 20 жылдык мааракесине карата ага мүчө мамлекеттердин экономика, өнөр жай, айыл чарба, билим берүү, саламаттыкты сактоо жана маданият жаатында жетишилген ийгиликтердин толук картинасы берилмекчи-деди Александр Заварзин.

Жыйындын жүрүшүндө эл аралык АНИА сайтынын жасай турган иштери туурасында маселе талкууланды. Аталган маалымат агенттигинин иштеп баштаганына далай убакыт болсо да анын иши талаптын деңгээлине көтөрүлө албай, окурмандар арасында кызыгууну жаратпай жаткандыгы туурасында ачык айтылды.

ИТАР-ТАСС маалымат агенттигинин КМШ жана Балтика республикалары боюнча куратору Грушин Борис Николаевичтин айткандарына караганда АНИА сайтына бардык эле мамлекеттердин маалымат агенттиктери эл аралык мааниге ээ болгон кызыктуу, оперативдүү материалдарын, фотолорун убагында жөнөтө албай жатышат. Ошол эле учурда сайтка жайгаштырылган материалдардын көбү расмий материалдар болуп, бир беткейликке жол берилип калууда-деген сындар, каалоо-тилектер айтылды.

Мисалы, “АзерТадж” агенттиги жайгаштырган фотолордун көбү мамлекет башчысынын кабыл алуулары, жолугушуулары болгон. Бул кандайдыр бир деңгээлде сайттын окумдуулугун арттырбайт.
Сайттын ишине активдүү катышууда “БелТА” агенттиги менен “АзерТадж” агенттиги лидерликти көрсөтүп келсе, калган агенттиктер бирин серин гана материалдарын берүүдө. Айрым агенттиктер таптакыр бере элек. Булардын катарына “Казинформ”, “Кабар”, “Ховар” маалымат агенттиктери кирет. Мындай кемчиликтерди жоюу боюнча аталган агенттиктердин жетекчилерине сайтка материалдарды жайгаштырууда талап кылынган сандагы материалдарды, фотолорду өз маалында жайгаштырып туруу сунушталды. Ар бир республиканын жашоо турмушун чагылдырган фотоматериалдар менен тексттер бир жуманын ичинде эки, үч жолудан берилип туруусуна жетишүү керектиги айтылды. Туризим боюнча атайын рубрика ачылып, ага ар бир республика активдүү катышып, ар кандай фото материалдарды жайгаштыруу мүмкүнчүлүгү белгиленди.

Мындан тышкары Шериктештиктин мааракеси алкагында агенттиктер ортосунда өз ара видеокөпүрөө өткөрүү боюнча макулдашууларга жетишилди. Мындай видеокөпүрөөлөр космонавтика күнүнө карата, Улуу Ата Мекендик согуштун башталышынын 70 жылдыгына карата жана башка даталуу күндөргө байланыштуу өткөрүлүп турмай болду. Ушул ишти “БелТА” агенттиги биринчилерден болуп уюштурат.

Жыйындын соңунда ИТАР-ТАСС маалымат агенттигинин КМШ жана Балтика республикалары боюнча куратору Грушин Борис Николаевич жыйынтык сөзүн айтып, жогоруда айтылгандарга төмөндөгүлөрдү кошумчалады:
-Быйыл КМШнын 20 жылдык мааракеси Тажикстанда белгиленет-деп айтылды. Маалыматкеңештин кезектеги жыйыны Дүйшөмбүдө болуп жатканы да символикалуу. Ошондуктан мамлекеттик орган катары ушул мааракени биринчилерден болуп агенттиктер кенен чагылдыруусу парз. Биз ар бир республикадагы белгилүү даталар менен окуялар каталогун түзөбүз. Дээрлик бардык агенттиктер бул боюча материалдарын жөнөтүштү. Бул мурунку совет доорундагы республикалар үчүн гана эмес, бардык мамлекеттер үчүн маанилүү. Мындай календарды ушул жылдын аягына чейин түзүп, электрондук да вариантын даярдап чыгабыз. Мындан тышкары КМШ мамлекеттериндеги белгилүү улуу адамдардын галереясын уюштурабыз. Ар бир республика өздөрүнүн көрүнүктүү инсандарынын тизмесин бизге жөнөтсө, алардын баарын бириктирип, бир калыпка салып, сайтка жайгаштырабыз. Ушул ишибиздин жыйынтыгы жаш муундар үчүн жалпы коом үчүн баа жеткис байлык болуп калмакчы. Бул туурасында Республиканын премьер-министр Акил Акилов менен жолугушканда да сөз болду. Биздин жалпы тарыхыбызды өзгөчө жаштар жакшы билиши керек. Алар улуу адамдардын жашоо-турмушун, алардын баатырдык иштерин жана ошондой эң маанилүү даталарды да эстеринен чыгарбаш керек-деди Борис Николаевич сөзүн жыйынтыктап.

КМШ мамлекеттеринин маалымат агенттиктеринин жетекчилеринин маалыматкеңеши ушул жылдын аягында Азербайжандын борбору Бакуда өтмөй болду.

Тажикстандын премьер-министри Акил Акилов маалыматкеңештин ишине ыраазычылык билдирди

Дүйшөмбүдө 21-мартта Көз каранды эмес мамлекеттердин шериктештигинин маалымат агенттиктеринин жетекчилер Кеңешинин кезектеги Х111 жыйынынын катышуучулары Тажикстандын премьер-министри Акил Акилов менен жолугушту.
Жолугушуу учурунда өкмөт башчы массалык маалымат каражаттарынын ролуна жогору баа берип, ар бир жаран ар тараптуу кеңири маалымат алууга укуктуу экендигин баса белгиледи.

“Биз бир кездерде бир зор мамлекет-СССРдин мүчөсү элек. Бир идеологиянын астында тарбияландык. Азыр ар бир республика эгемендүүлүккө ээ болуп, өз алдынча өнүгүп жатат. Ошондой болсо да биз бири-бирибизге керекпиз. Мурункудай бири-бирибиз менен ар тараптуу байланышка муктажбыз. Биздин жалпы тарыхыбызды өзгөчө өсүп келаткан жаш муундар билип калышы керек. Алар улуу адамдардын жашоо-турмушун, алардын баатырдык иштерин жана ошондой элк маанилүү даталарды да эстеринен чыгарбашы зарыл. Ушул иште сиздер авангарддык ролду аткарып жатканыңар өзгөчө кубанычтуу жана колдоого ала турган улуу иш”-деди премьер-министр А. Акилов.
-Мына сиздердин маалыматкеңешиңер буга күбө. Элибизди бириктирүүгө чоң салым кошуп жатасыңар. Ошон үчүн сиздерге чоң ыракмат айтам, маалыматкеңештин бүгүнкү жыйыны ийгиликтүү болсун”-деди премьер-министр сөзүнүн акырында.

Жолугушууда ИТАР-ТАСС маалымат агенттигинин Башкы директорунун биринчи орун басары Калмыков Михаил Вадимович убактысын бөлүп, жылуу кабыл алгандыгы үчүн өкмөт башчысына маалыматкеңештин катышуучуларынан атынан ыраазылык билдирип, маалыматкеңештин аткара турган иштери туурасында учкай маалымат берип кетти. “Биздин иштеп жаткан АНИА орток сайтыбыз КМШ мамлекеттери үчүн кызмат кылып жатат. Ал сайтка кирип карагандар Шериктештеги жашоо-турмуш, саясый абал туурасында кеңири маалымат ала алат. Биз аны дагы кызыктуураак кылууга аракеттенебиз”-деди Михаил Вадимович.

Тажикстанда Нооруз майрамы бир жума майрамдалат

Маалыматкеңештин катышуучулары Нооруз майрамы өтүп жаткан Дүйшөмбү шаарындагы жаңы салынган Ат майданында болушту. Дүйшөмбүлүктөр жаңы жыл майрамын абдан чоң шаан-шөкөт менен тозушат. Шаардын ар тарабынан келген калың эл Ат майданына агылып жатты. Ал жакка бараткан жолдун өйүз-бүйүзүндө кол өнөрчүлүктүн, дүйүм тамак-аштардын көргөзмөсү уюштурулган. Керней-сурнай, музыкалык аспаптардын жаңыруусу менен коштолгон шаңдуу майрам келгендердин көңүлүн көкөлөтөт. Ат майданындагы Нооруздун ачылышында Тажикстандын Президенти Эмомали Рахмон тажик тилинде куттуктоо сөзүн сүйлөдү.

Ат майданында мамлекет башчысынын куттуктоо сөзүнөн кийин майрамдык шаан-шөкөт башталды. Музыка жаңырып, улуттук кийимчен жаштар, балдар биринин артынан бири тынбай өнөрлөрүн көргөзө баштады.Салт боюнча ушул күнү жаштар үйлөнүшөт.
Тажикстанда Нооруз майрамы улуттун кан-жанына ушунча сиңип калгандыктан, ага абдан маани беришип, идишке буудай өстүрүп, ар бир үйгө, ар бир дүкөнгө, кафе-ресторандарга жана башка жерлерге коюлат.

Мурунку совет доорундагы республикалардын ичинен Тажикстанда бир жаңычылык бар. Дүйшөмбү шаарынын көчөлөрүндө басып баратып чылым чегүүгө тыю салынган. Көчөдө тамеки тартып бараткандарды көрбөйсүң. Атайын жерлерде туруп гана чылым чегүүгө болот. Тартип бузулган учурда милиция кызматкерлери токтотуп, чоң айып салганга укуктуу. Мындай тартипти шаардыктар туура иш катары тез эле кабыл алышты.
Дүйшөмбү шаарында көрнөк-жарнактар, ишкана-мекемелердин аталыштары ж.б.лар бир гана тажик тилинде жазылат. Нооруз майрамынын урматына куттуктоолордун баары мамлекеттик тилде жазылып илинген. Көчөдөн бирөөлөргө кайрылып орус тилинде суроо берсең, орус тилинде жооп беришет. “Кабар”

Маалымат кеңештин жыйыны









Премьер-министр А. Акиловдун кабыл алуусунда






Дүйшөмбү шаары "Ат майданындагы" Нооруз майрамы














Бөлүшүү

  • print
  •  Facebookта жайгаштыруу
  • Twitterде жайгаштыруу
  • Контактка жайгаштыруу
  •  LiveInternetке жайгаштыруу
  • Одноклассниктерге жайгаштыруу
  • LiveJournalда жайгаштыруу
  • Мой Мирге жайгаштыруу