Интервью

Август 2020
Дү Ше Ша Бе Жу Иш Же
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            
06/07 18:34
 

Т. Мадылбеков: Биз Бакиевдердин активдерин кайтарып алуу үчүн аракет жасап жатабыз

(КР мамлекеттик кызматынын финансылык чалгындоо кызматынын төрагасынын милдетин аткаруучу Туратбек Мадылбеков менен маек)

 

– Сиздер биринчи кезекте эмнелер менен алакеттенип жатасыздар?

-Дал элдик толкундоолордун убагында банк эсептеринен 272 миллион доллар чыгарылып кеткендигин, алардын 90 пайызынын  ээлери Бакиевдердин үй-бүлө мүчөлөрү болушкан же алар контролдукка алып турушкан компанияларга таандык болгондугун айта кетүүгө тийишмин. Ошондуктан бүгүнкү күндө биздин алдыбызда эң татаал милдет – акчалардын республикадан чыгарылып кетишинин кылмыштуу схемаларын ашкерелөө, мыйзамсыз чыгарылып кеткен каражаттарды  издеп табуу жана кайтарып алуу үчүн укуктук негиздерди түзүү турат.

-Эгерде алар мыйзамсыз болсо, эмне үчүн мынчалык  ири суммаларды чыгарып кетүү боюнча банк операцияларын дароо токтотуп калууга болбойт беле?

-Алар мыйзамды бузуу менен чыгарылып кеткендигин ким айтты? Мен кылмыштуу жол менен алынган кирешелердин терроризмин каржылоого жана ачыкка чыгарууга (ысыраптоого) каршы аракеттенүү жөнүндөгү мыйзамды (ПФТ/ОД) көңүлгө алып жатамын. Ал түгүл көз каранды банктар да буга бара алышпайт. Бирок айрым маалыматтарга караганда, аталган суммаларды чыгарып кетүү учурунда КР “Банктар жана банк иши жөнүндө” Мыйзамын бузгандык байкалууда. Ал эми бул операциялар алар аркылуу жүргүзүлгөн коммерциялык банктардын ачык эле мүчүлүштүгү. Эл аралык кылмыштардын аренасында бул сыяктуу көп иштеп чыгуулар бар. Бүгүнкү күндө прокуратура органдары банктардын бул иште пайдаланган  ыкмаларын текшеришүүдө, анын ичинде Улуттук банк менен да иштешүүдө.

         Финансылык чалгындоо кызматы мыйзамга ылайык шектүү операциялар туурасында маалымат боюнча  анын  алынышына жараша иштеп жатат. Биздин кызматыбызга  мынчалык зор сумманы чыгарып кетүү боюнча операция жөнүндөгү маалымат 12-апрелде гана түштү. Ал эми 15инде бизде бул операциялар боюнча аналитикалык эсептөөлөр даяр болгон жана биз чет өлкөлүк өнөктөштөрүбүзгө сурамдарды жөнөтө баштаганбыз.

-Бул, кыясы, чындыгында эле татаал милдетти чечүүнүн  келечектери  барбы? Сиздер  эмнелерди  жасадыңыздар жана мындан ары  эмнелерди жасоого ниеттенип жатасыздар?

-Иш  Кыргызстан кылмыштуу кирешелерди ачыкка чыгарууга жана террорчулукту каржылоого каршы аракеттенүү боюнча Евразиялык топтун (ЕАТ) толук укуктуу мүчөсү болуп эсептеле тургандыгында. Ага ошондой эле Россия, Кытай, Казакстан, Тажикстан, Өзбекстан, Украина жана Беларусь кирет. Бул уюмга байкоочулар катары Евразия регионунун башка өлкөлөрү да, ошондой эле кадыр-барктуу эл аралык структуралар жана институттар катышат, алар финансылык кылмыштуулукка каршы аракеттенүүнүн дүйнөлүк процесстеринин негизги жөнгө салып туруучулары болуп эсептелет. Андан тышкары, өткөн жылдын майынан тартып биздин кызматыбыз дүйнөнүн 120га жакын өлкөлөрү кирген “Эгмонт” эл аралык тобунун мүчөсү болуп эсептелет.

-Деги бир нерселер жасалдыбы? Жакынкы убакта натыйжаларды күтүүгө болобу?

-Эсептерге  көз салып туруу, аларды токтотуп коюу, жасалган транссанкциялар боюнча кылмыш иштеринин активдерин жана фигуранттардын  өзүлөрүн биргелешип издөө боюнча эл аралык сурамдар  жиберилди жана дагы жибериле бермекчи. Мен чет өлкөлүк өнөктөштөр бизди түшүнүшө жана колдошо тургандыктарына ишенемин. Коллегаларыбыз   финансылык  иликтөөлөрдү толук баалуу жана калыс жүргүзүүгө жардам көрсөтүү жөнүндөгү биздин өтүнүчүбүздү туура баалашат деп ойлоймун.

-ЖМКлардын электрондук даректерине кызыктуу билдирүү түшкөн, ал ошондой эле Интернетте да болгон. Анда А. Атамбаевдин жана Р. Отунбаеванын эсептерине которулган кандайдыр бир суммалар туурасында айтылган.

-Буга байланыштуу 12-майда Эстон Республикасынын (жарыялоодо дал ушул өлкө көрсөтүлгөн) компетенттүү органдарына расмий сурам жөнөткөнбүз. Ага толук жооп алдык, ал чындыгында эч кандай которуулар болбогондугун түздөн-түз көрсөттү. Албетте, бул жалаа жабуучулук маалымат болгон, бирок бул фактыны ырастоо өтө маанилүү жана зарыл экендигине макул болорсуздар.

-Сиз дегинкисинде Кыргызстандан чыгарылып кеткен зор өлчөмдөгү акчалар жиберилген өлкөлөрдү же банктарды айтып бере  аласызбы?                                                                                                         

-Кимдер ушунчалык кыска убакта ушунчалык көп акчаны чет өлкөлөргө чыгарып кете алгандыгы жөнүндөгү суроого кылмыштык иликтөөлөр жооп берет деп ойлойбуз. Бул жерде өтө татаал жана өтө олуттуу схема колдонулган. Каражаттарды башкаруу, бардыгын караштырып көргөндө, аралыктан, башкача айтканда алыскы терминалдан  жүргүзүлгөн. Азыркы банк кызматтарын көрсөтүүнүн тизмеси ушундай мүмкүнчүлүктү да карайт.

Өлкөлөрдүн, банктардын, финансылык операциялардын жана эсептердин  аталыштарына келсек, мен бул жерде эч нерсени ачып бере албаймын. Мыйзамдын жоболору бул сыяктуу маалыматты айтууга мүмкүнчүлүк бербейт. Бир нерсени так айта аламын: Финансылык чалгындоо кызматы  чыгарылып кеткен акчаларды кайтарып алуу үчүн  бардык зарыл нерселерди жасайт. Мунун жакында боло тургандыгы – көп жагынан биздин эле иш-аракеттерибизге жараша болбойт. Эл аралык укуктук коллизиялар, өзгөчө финансы жагынан, бул ишти создуктуруп жибере алат, ал түгүл канча мөөнөткө создуктура  тургандыгын  айтуу кыйын. Ошондой болсо да бардыгы биздин ведомстводон бул ишти жасашыбызды жана уланта тургандыгыбызды талап кылат, азырынча ачык-айкын натыйжаларга жетише элекпиз. (“Вб” гезитинен кыскартылып которулдуЖ.Тынаев)


Бөлүшүү

  • print
  •  Facebookта жайгаштыруу
  • Twitterде жайгаштыруу
  • Контактка жайгаштыруу
  •  LiveInternetке жайгаштыруу
  • Одноклассниктерге жайгаштыруу
  • LiveJournalда жайгаштыруу
  • Мой Мирге жайгаштыруу