27.05.2016, 09:27

Бюджеттик уюмдардын “Түндүкэлектрге” карыздары 30%га жогорулады

Бюджеттик уюмдардын “Түндүкэлектрге” карыздары 30%га  жогорулады

Бишкек, 27-май /Кабар/. 2016-жылдын беш айынын ичинде бюджеттик уюмдардын “Түндүкэлектрге” карыздары 30%га жогорулады. Бул тууралуу ишкананын басма сөз кызматы билдирди. Жылдын башталышына салыштырмалуу бюджеттик уюмдардын карыздары 52,4 млн сомго көтөрүлдү. 2016-жылдын 1-майына бюджеттик уюмдардын салыктарды жана туумдарды эске алгандагы карызы 202,9 млн сомду түздү. Анын ичинен:
-республикалык бюджеттен каржыланганы – 63,9 млн сомдон ашуун;
-жергиликтүү бюджеттен каржыланганы – 117,1 млн сомдон ашуун каражатты түзөт
Карыздардын эң чоң бөлүктөрү «Кыргызжилкоммунсоюз» мамлекеттик ишканасына (21,8 млн сом), Милдеттүү медициналык билим фондуна (11,5 млн сом) жана Билим берүү жана илим министрлигине (8 млн сом) тиешелүү.