01.03.2016, 10:48

2016-жылдын март айына карата жаратылыш газына болгон баа бир аз төмөндөдү

Бишкек, 1-март /Кабар/. 2016-жылдын март айы үчүн жаратылыш газынын тарифи республиканын калкы үчүн 1 м3на 16,56 сомду, өнөр жай ишканалары, коммерциялык структуралар, бюджеттик уюмдар үчүн кошумча салыкты эсепке алганда 1 м3уна 20, 07 сомду түздү.

Өткөн айларга караганда март айында тарифтин калк үчүн 0,37 сомго, өнөр жай ишканалары, коммерциялык структуралар, бюджеттик уюмдар үчүн 0,43 сомго төмөндөшү доллардын расмий курсунун төмөндөшүнө байланыштуу болду, тактап айтканда 2016-жылдын 1-мартына карата 1 доллар 73,88 сомду түздү. 2016-жылдын февралында 1 доллар 75,88 сомду түзгөн.